LET WEL: Kragpunt word voorsien op aanvraag maar u MOET U EIE VERLENGKOORD VOORSIEN.

VOORWAARDES

1. Hierdie vorm is slegs ’n aansoekvorm om ’n stalletjie by die Orania Karnaval te bedryf. Alle aansoekers sal deur die Karnavalkomitee gekeur word voordat toestemming om uit te stal verleen sal word.
2. Orania is ‘n Afrikanerbemagtigingsprojek, daarom sal slegs Afrikanerarbeid by die Karnaval gebruik word. Klante moet ook slegs in Afrikaans bedien word. Indien u enige probleme in hierdie verband het, skakel gerus met die Karnavalkomitee.
3. ALLE Stalletjies MOET oop wees van 12:00 - 21:00 op Vrydag 27 September en van 08:00 - 21:00 op Saterdag 28 September.
4. Indien die stalletjie toegeken word, moet betaling binne 7 dae gedoen word en bewys van betaling EN voltooide besprekingsvorm aan stalletjies@oraniakarnaval.co.za besorg word. Die stalletjie word eers gereserveer nadat die betaling ontvang is.
5. Addisionele dienste of produkte wat nie vooraf deur u gespesifiseer is nie, mag onder geen omstandighede verkoop of uitgestal word nie.
6. U moet u eie tafels, stoele, ens. verskaf. Oop stalletjies moet ook hul eie gazebo, sambrele, ens. verskaf. GEEN stalletjies sonder die nodige beskutting teen hitte en reën sal toegelaat word nie.
7. Neem asseblief kennis dat alle produkte en dienste Orania se Christelike waardes moet weerspieël. Indien enige volksvreemde produkte ingesluit word sal u versoek word om dit te verwyder.
8. Uitstallings word beperk tot die grootte van die stalletjie – geen oorskryding sal toegelaat word nie.
9. Uitstallers stal op eie risiko uit.
10. Geen terugbetalings vir kansellasies sal gedoen word nie.
11. ALLE uitstallers MOET vir die volle duur van die karnaval uitstal en dus vir genoeg voorraad beplan.
12. Geen motors word by die stalletjies toegelaat nie. (Uitsonderings sal vir stalletjies H1 – H8 gemaak word) Motors word onder geen omstandighede op die atletiekbaan toegelaat nie.
13. Tentpenne mag slegs op die gemerkte areas ingeslaan word om skade aan die besproeiingstelsel te vermy.
14. Indien nie aan die voorwaardes soos hierbo uiteengesit voldoen word nie, kan die reg verbeur word om in die toekoms by die Orania Karnaval uit te stal.